بسباب الاعتداء على مراتو السابقة.. "ديزني" تخلات على جوني ديب

قال الممثل الميريكاني جوني ديب أنه ما غاديش يرجع يمثل دور "جاك سبارو" فالسلسلة المشهورة "قراصنة الكاريبي" مع شركة "ديزني"، حتى ولو عرضات عليه مبلغ 300 مليون دولار.
وفالمقابل محامي طليقتو أمبير هيرد فرشو وسط المحكمة وقال ليه بللي "ديزني" هي اللي تخلات عليه وماشي هو اللي رافض يمثل مرة أخرى معاها، وهادشي كامل بسباب اعتداءاتو على مراتو السابقة.
جوني ديب داخل فمعركة قضائية مع طليقتو، الممثلة أمبير هيرد، بسباب مقال نشراتو على العنف المنزلي، وهو تحسس وقال أنها كتقصدو هو ورفع عليها دعوى بالتشهير.