سمعو يا المتطرفين. .وزير التعليم العالي: انا كنسمع للشيخات وكنفتخر بالتراث الموسيقي فبلادنا

قال عبد اللطيف ميراوي وزير التعليم العالي والبحث العلمي والابتكار، إنه يفتخر بالثقافة المغربية وبالفن ديال بلادنا، مشيرا بلي ف التوجه الجديد بغينا على الأقل نقريو 30 ساعات من التراث الموسيقي لبلادنا للطلبة.
وأوضح ميراوي، خلال لقاء مع الصحافة قبل قليل، بلي "خاصنا نفتخرو بالتراث الموسيقي المغربي، كنسمع الملحون والشيخات، خصنا نفتاخرو بها"
وتابع "معنديش عقدة مع أي موسيقي، كنسمع للشيخات، الملحون، للغيوان،وو" ، مشددا خصنا نفتخرو ببلادنا.
فالنظام الجديد لي بغا يطبقو الوزير ابتداءا من 2023، كاين وحداث الثقافة غادي تقرا فالجامعات، فيها التراث الموسيقي المغربي والتراث المعماري المغربي والتراث غير المادي والفن المعاصر والتصميم.