فعز الحملة الانتخابية للدوزيام تور.. ماكرون تدخل لإقناع مبابي باش يبقى فباريس سان جيرمان – تغريدة

فعز الحملة الانتخابية الخاصة بالدوزيام تور ديال الانتخابات الرئاسية، تدخل الرئيس الفرنسي إيمانويل ماكرون بشكل مباشر باش يقنع الكوايري كيليان مبابي مهاجم باريس سان جيرمان، باش يجدد الكونطرا ديالو مع فرقتو عوض الانتقال لنادي آخر.
ماكرون قال أن تجديد الكونطرا ديال كيليان مبابي "مسألة وطنية وقضية دولة" وهادشي علاش تدخل، واخا هو كيشجع فريق مارسيليا الغريم الأول لفريق باريس سان جيرمان.
كيليان مبابي كان من المتوقع أنه يمشي لنادي ريال مدريد، اللي قريب يحسم لقب الليكَا الإسباني، ومن المتوقع أن الصالير ديال مبابي فباريس سان جيرمان إيلا تجدد العقد غيولي 50 مليون يورو سنويا، ويتم منحو شارة الكاپيتان، بالإضافة إلى امتيازات أخرى.