مافيا التعمير بدات كاطيح فطنجة.. اعتقالات مسؤولين دارو تخلويض فالتعمير ومتابعة منتخبين فحالة اعتقال وقيادي بامي مهدد بالسجن

قرر قاضي التحقيق باستئنافية طنجة، متابعة كل من نائب رئيس سابق لجماعة اكزناية مكلف بالتعمير، ومجزيء سري وناسخ بالمحكمة الإبتدائية، في حالة اعتقال وايداعهم السجن المحلي لطنجة.
هاد القرار جاء بعد سلسلة محاكمات منتخبين كبار فطنجة متورطين ف البناء العشوائي ومتتهمين بإصدار ترخيصات غير قانونية والترامي على الملك الغابوي، هادشي متابع فيه عراب البام ف الشمال رئيس جماعة كزناية السابق، محمد الإدريسي لي تغيب ف الجلسة لي كانت نهاية هذا الأسبوع حيث قدم شهادة طبية.
ف الجلسة المقبلة، غايتم إحضار المتهمين لي كيتغيبو بالقوة، منهم الإدريسي لي تغيب ف اخير جلسة.
ملف التعمير فطنجة حطات عليه فاطمة الزهراء المنصوري الوزيرة الجديدة المكلفة بقطاع التعمير واعداد التراب الوطني والتعمير والإسكان، يدها، حسب معطيات "گود" مغاديش تفك مع لوبيات ومافيا التعمير فهاد المدينة وباقي المدن.