كازا خرجات تحتافل بفوز السينگال بكاس افريقيا – تصاور وفيديو

هاد الساعة محيحة. حدا الكورة الارضية جاو السينغاليين ومعاهم مغاربة للاحتفال بهاد الفوز الكبير. فمطاعم وقهاوي كازا كان لمغاربة فرحانين بهاد الانتصار للي هدا السينغال اول كأس افريقيا للامم.
https://fb.watch/b00DfGLtAG/
شوارع الجيش الملكي وبداية بوردو وباريس كلها عامرة بمواطنين سينغاليين. هازين الراية ديال بلادهم والراية المغربية. لمغاربة فرحانين معاهم. صحاب الطونوبيلات كيكلاكسونيو وكيرددو "مبروك. فيليسيطاسيون السينغال".
دابا فالساحة حدا الكورة الارضية وصل العدد تقريبا حوالي الف شخص.
وكانت السينغال ربحات مصر فنهائي كأس افريقيا للامم بالكاميرون بعد البيلانتينات.