لقجع للاسود فقطر: لعبو الكورة ونساو التأثيرات الخارجية

البارح تلاقى فوزي لقجع بصفتو رئيس الجامعة الملكية المغربية لكرة القدم بلاعبي المنتخب المحلي فقطر فاش كانو كيدربو، وهدر معاهم شوية.
وفق ما علمته "كود"، فلقجع قال للعابة بحضور المدرب الحسين عموتة: "لعبو الكورة" و"نساو التأثيرات الخارجية" هادا راه ماتش دالفوت وليه قواعدو.
لقجع وفق ما علمته "كود" من مصدر جامعي، دار هاد الشي باش يتفاداو لعابة المنتخب گاع اجواء التوتر والاستفزازات، وباش يبقاو مركزين على الماتش وعلى الكورة.
وباش ما يتهيجوش مع كاع الحرب الباردة اللي دايرينها الكابرانات ديال الدزاير على المغرب.