مزال نايض الصداع على فاجعة التورناج.. واحد من ليكيپ ديال فيلم "راست" اتاهم الممثل أليك بالدوين بالإهمال

قضية قتل الممثل أليك بالدوين لمديرة تصوير فيلم "راست"، بشكل غير مقصود، ملي كان كيدرب على مشهد بالفردي مازال منوض صداع.
واحد من ليكيپ تيكنيك ديال الفيلم اللي كان في مكان الحادث حط نهار الأربعاء الفايتة شكاية في لوس أنجلوس اتاهم فيها الممثل وشركة الإنتاج وحتى مسؤولة الأسلحة فالتورناج بالإهما
سيرج سفيتنوي (Serge Svetnoy) قال أنه كان واقف قريب بزاف من أليك بالدوين ملي وقعات الحادثة لدرجة أن الغبرة ديال القرطاس بقات على الوجه ديالو.
السيد اللي حط شكاية قال أن القضية فيها إن، حيت الفيلم ماكانش من الأساس خاص يكون فيه القرطاس الحي نهائيا، واتاهم الفريق كلو بالإهمال حيت ماطبقوش أبسط قواعد السلامة.