بعدما قتل مديرة تصوير الفيلم ديالو بالخطأ.. أليك بالدوين باغي البوليس يبقى يحضر ف كَاع ليتورناج – تغريدة

اقترح الممثل أليك بالدوين اللي قتل بدون قصد مديرة التصوير في الفيلم الجديد ديالو (راست)، باش البوليس يكونو حاضرين في كَاع ليتورناج اللي غادي تكون فيها مشاهد غايتستعمل فيها السلاح.
وكتب بالدوين تغريدة في لاپاج ديالو على موقع "تويتر": "خاص المنتجين يبقاو يجيبو على حسابهم بوليسي في ليتورناج ديال كَاع الأعمال اللي غادي تعرف استخدام أسلحة نارية، سوا كانت حقيقية ولا غير بلعاني باش الواحد يتأكد أن السلاح آمن".
بالدوين باقي مصدوم من المصيبة اللي وقعات الشهر اللي فات بعدما كان كيتدرب على لقطة غادي يهدم فيها القرطاس لكن الفردي اللي استعمل كان مشارجي بالصح وهو مافراسوش وفاش تيرا صدق قاتل مديرة التصوير و جرح مخرج الفيلم المذكور.