مساعد مخرج فيلم "راست" دار أول تصريح من بعد الفاجعة اللي وقعات ف التورناج

خرج ديفيد هالز (David Halls) مساعد المخرج ديال فيلم "راست" (Rust)، اللي عطا للممثل أليك بالدوين الفردي اللي كان مشارجي قرطاس فالتورناج، قبل مايتيري ويقتل بالخطأ مديرة تصوير الفيلم، هالينا هتشينز، (خرج) في أول تصريح من نهار وقعات الفاجعة.
هالز قال أنه مصدوم من هادشي اللي وقع، وأنه يتمنى هاد المأساة تخلي كلشي اللي ف قطاع السينما يعاودو يفكرو في الممارسات اللي كاتدار.
ورفض مساعد المخرج يدوي على الدور ديالو ولا يزيد تفاصيل أخرى خصوصا أنه هو اللي مكلف باش يتأكد أن الفردي مافيهش القرطاس وآمن.