باحثون ف ميريكان: اللي مادايرينش الڤاكسان ضد كورونا معرضين للموت بسباب الفيروس 20 مرة أكثر من الملقحين

كشفات دراسة حكومية ميريكانية جديدة أن الناس اللي مادايرينش الڤاكسان ضد كورونا معرضين للموت بسباب هاد الفيروس 20 مرة أكثر من هادوك اللي واخدين التلقيح ديالهم كامل.
الباحثون اللي خدامين في وزارة الخدمات الصحية الحكومية ف ميريكان دارو التحليل ديال البيانات اللي جمعوها من تقارير المختبرات الإلكترونية وشهادات الوفيات وسجل التلقيح في ولاية تكساس.
وكشفات الدراسة على أن الناس اللي مادايرينش الڤاكسان معرضين باش يتصابو بفيروس كورونا 13 مرة مقارنة مع الناس الآخرين بعدما أكدات البيانات أن الڤاكسان كان عندو تأثير وقائي كبير من العدوى وحتى في تجنب الوفيات بين الناس الكبار والصغار.