47 عام وهي مپاركيا ف الشارع .. طوموبيل خاسرة ولات معلمة سياحية ف الطاليان – فيديو

ولات طوموبيل قديمة خاسرة وخلاها مولاها مپاركيا فالشارع هادي 47 عام، (ولات) معلمة تاريخية وسياحية في الطاليان، وكايجيو التوريست من كل بلاصة يقلبو عليها فين كاينة باش يتصورو حداها.
الطوموبيل هي من لامارك "لانسيا فولفيا 1961" (Lancia Fulvia 1961)، مولاها سميتو أنجيلو فريكَولنت عندو 94 عام، حاطها قدام المحل ديالو اللي كان كيبيع فيه الجورنال، هو و مراتو برتيلا مودولو، ف مدينة كونجليانو (Conegliano) ، شمال شرق إيطاليا ، (حاطها) منذ عام 1974.
ومع ذلك، بعد ما يقرب من 5 عقود، قرر مسؤولو البلدة يحيدو الطوموبيل من الشارع .و في 20 أكتوبر داوها لمعرض "الطوموبيلات و المواطر والبيكالات القديمة" فمدينة بادوفا (Padova)، على بعد حوالي 85 كيلومتر، على فين كتعرض الطوموبيلات الكلاسيكية.
ومن بعد، صيفطوها لأتوليي ديال ميكانسيان لإصلاحها من الأضرار الناتجة عن 47 عاما من السطاسيونمون على برا فالشارع.