تصرفيقة للنصابة وصحاب الجيليات الصفرين فسطات.. رئيس الجماعة: السطاسيونمون فكَاع الباركينكَات فابور

علن رئيس جماعة سطات للعموم، تفاعلا مع تساؤلات عدد من المواطنين، أن الباركينكَات ديال السطاسيونمون ديال الطوموبيلات والمواطر والكاميونات فكَاع الجماعة مامكرية لحتى جهة، والوقوف فيها فابور.
وفإعلان ليه حصلات عليه "كود"، زاد رئيس الجماعة أن أي استخلاص للواجبات المتعلقة بهذ المواقف ماشي قانوني، فانتظار تتكرى من بعد وفق المساطر الجاري بها العمل.
وبزاف ديال المغاربة كيتشكاو من سماسرة الباركينكَات العمومية وأماكن السطاسيونمون، اللي كيطلبو ثمن طالع للناس اللي كوقفو طوموبيلاتهم واخا لوقت قصير.