نبيل عيوش ف كازا باش يعرض فيلم "علي صوتك".. وها وقتاش غايشوفو الجمهور ف السينما – تصاور

هاد الصباح كان في كازا العرض الأول لفيلم "علي صوتك" ديال المخرج المغربي نبيل عيوش، بحضور ابطال الفيلم لي تعرض في مهرجان "كان"، وكيتنافس حاليا ضمن القائمة الأولية لجوائز الأوسكار 2021 ف صنف أفضل فيلم أجنبي.
نبيل عيوش قال أنه فرحان بزاف حيت غايعرض الفيلم ديالو في المغرب، خصوصا أن آخر الأفلام ديالو من بطولة لبنى أبيضار "الزين لي فيك" تمنع من العرض بعد حملة النقد الكبيرة والواسعة.
الفيلم ديال "علي صوتك" كيعاود قصة "أنس" رابور سابق خدم فمركز ثقافي فحي سيدي مومن في كازا، وبفضلو قدرو الشباب يتعلمو فنون الشارع اللي لقاو فيها راحتهم، ويعبرو بيها على قضاياهم.
الفيلم من إخراج نبيل عيوش، وسيناريو عيوش كذلك بتعاون مع مريم نقاش ونهيلة عارف، وعرف مشاركة شباب من المركز الثقافي "نجوم سيدي مومن"، اللي دارتو مؤسسة علي زوا ف 2014.
وهو من إنتاح شركة Ali'N Production وLes Films du Nouveau Monde، بمشاركة Unité وAd Vitam.