شركة تنقيب كندية: لقينا الذهب ف هاد المنطقة بالمغرب

أكدت شركة "ستيلار أفريكا گولد" الكندية اكتشافات جديدة للذهب ف الأطلس الكبير جنوب المغرب.
وقال الرئيس والمدير التنفيذي للشركة، فرانسوا لالوند، ف بيان: "تيشكا إيست" للتنقيب عن الذهب ف مناطق قريبة من مراكش "عندها اكتشاف جديد للذهب ف منطقة الأطلس الكبير ف المغرب".
ومشروع "تيشكا إيست" كينقب عن الذهب ف مساحة "واصلة 44.6 كيلومتر مربع ف الأطلس الغربي الكبير ، بعيدة ب100 كيلومتر على مراكش.
ونشرت الشركة تصاور ديال خريطة طبوغرافية للبلاصة، ومعلومات تقنية عندها علاقة بطريقة استخراج الذهب والمختبرات اللي كتعامل معها.
للاشارة، المنجم الأشهر للذهب ف بلادنا كاين ف منطقة أقا حدا تزنيت. وكاينين مناجم أخرى متخصصة ف معادن أخرى، اهمها منجم إيمضر ديال الفضة.
Stellar Africagold samples 3.40 g/t au over 20 metres confirming gold discovery at Tichka Est project, Morocco