معاناة كبيرة مع كلام الناس.. بنت عندها 16 لعام كتبان بحال إيلا ف الخمسينات من عمرها – فيديو

كتعيش بنت فلبينية، عندها 16 عام، حالة نادرة بزاف بعدما تبدلات ملامح وجهها وولات كتشبه لشي مرا في عمرها 50 عام.
البنت سميتها رايزيل كالاكَو (Raizel Calago)، عاشت هاد التغييرات البيولوجية في مدة عامين فقط، وهادشي بسباب اضطراب وراثي.
في الأول البنت كانت فرحانة لأنها كتحس أنها تبان بعقلها واخا هي صغيرة، لكن الفرحة دغيا تقلبات للعكس بعدما بان على وجهها التكماش بزاف،وبدات معاناتها مع نظرة الناسخصوصا المقربين منها و فمجتمع ماكيرحمش وغارق فالتخلف.
رايزل كتعيش أزمة نفسية مضاعفة خاصة ملي كتكون مع ماماها وكيقولو ليها أنها كتبان كبر منها.
معاناة كبيرة كتزيد تعقد الحياة اليومية على إنسانة فقط لأنها تولدات مختالفة وكبرات بدرجة و سرعة مختالفة، وماكاتشبهش، بالنسبة ليهم، بنت في عمرها بالمعايير و المقاييس ديال التخلف اللي حاطينها ومآمنين بيها.