بنت مغربية مدوخة بوليس هولندا بسباب ثروتها الكبيرة وشبهة تزعمها لريزو ديال التبزنيس

مازال بوليس مدينة فرايزلاند الهولندية كيحقق فمصادر فلوس شابة مغربية، فعمرها 31 عام، وعندها پروجيات متوسطة الدخل في هولندا، وجا هاد التحقيق بعدما عتارفو عدد من الشبان، اللي تعتاقلو بتهم الإتجار فالمخدرات، أن زعيمتهم هي هاد الشابة المغربية، في حين كتقول هي أن الحاقدين عليها كيحاولو ينتقامو من نجاحاتها التجارية.
المحققون دهشو ملي لقاو فواحد من حساباتها البنكية أكثر من 19 مليون أورو، هادشي بلا اللي كاين فعدد من الكونطات لوخرين فهولندا وأوروبا.
سيدة الاعمال اللي عندها شركة ديال مواد التجميل وشركة عقارية، هددات أنها غاتهز تجارتها وتخرج من هولندا بسباب هاد التضييق الدائم عليها، ولكن المحققين أكدوا أنهم غايواصلو لونكيط حتى يتأكدو أن فلوسها قانونية.