جابها فراسو بسباب الجرا بميرسيدس واعرة. مغربي شدوه البوليس فبلجيكا ولقاو عندو جوج مليار

بوليس بلجيكا طيح الخميس المنصرم، مغربي لقاو عندو ما يقارب جوج مليار سنتيم، بعدما اثار انتباههم بسباب الخفة ديالو.
وحسب مصادر اعلامية فالمغرب كان فسيارة ميرسيدس AMG واعرة، وداز كيطير فوسط بروكسيل، هادشي خلا دورية البوليس تلاحقو وملي شدوه لقاو فجيبو 3900 اورو، وهذا رقم كبير تهزو فجيبك، الشي لي خلاهم يزيدو يقلبو السيارة ولقاو فيها فلوس صحيحة.
اعتقال المشتبه فيه قاد الى تفتيش دارو، وتم حجز مبالغ وصلت ل 1.855.000 اورو، واليات ومجوهرات، ودابا كيحققوا نعاه على مصادر هاد لفلوس لي كيشكو أنها من عائدات المخدرات.