شيباني شفرو ليه السرج ديال بيكالتتو.. وهو ينتقم من 159 واحد !

في اليابان البوليس شدو راجل عندو 61 عام بعدما تقدم شخص بشكاية ضدو حيت سرق ليه كوسان بيكالة ديالو.
ملي عرفو هوية الشيباني مشاو دخلو لدارو، وتما تصدمو بعدما لقاو 159 سرج، ورجع دارو بحال شي ديبو، وملي سولوه البوليس علاش وكيفاش، قال أنه في 2018 شفرو ليه كوسان بيكالتو وهو يولي متخصص في السرقة باش الناس يحسو بالشعور ديالو.
وأكد الرجل أن الهدف كان هو الانتقام بدرجة أولى، ودابا غادي يواجه عقوبة ويقدر يدخل الحبس فقضية الشفرة.