عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم

تحسمات دبا عمودية الرباط، بحيث علمت "گود" ان اجتماع عاجل باقي مسالاش لحدود كتابة هذه الأسطر، دار فمنزل اسماء اغلالو، وحضرو فيه قيادات حزبية واعضاء المكتب السياسي للتحالف الرباعي لي غادي يشكل مكتب مجلس الرباط.
وحسب مصدر "گود" فإن الاجتماع حضر فيه ما يناهز 60 شخصا، فيه اغلبية المستشارين ديال الرباط، حتى الغاضبين التحقوا وغادين يصوتو على اسماء اغلالو غذا ف صباح.
الغاضبين لي رفضو فالاول يصوتو على اغلالو، دبا تراجعو وتصالحو، على رأسهم مجاور والبحراوي.
ولد لشگر رسميا مبقاتش عندو حظوظ، واخا دار القلق لمرشحة الاحرار، وسحب منها البساط قبل ايام، دبا الغاضبين من الاحرار رجعو للحزب بعد اجتماعات وولائم ليلية، كولشي تفك.
الاجتماع اللي كاينا دبا هو ديال تصفية الخواطر بيناتهم.
حضر فالاجتماع كل محمد اوزين القيادي فالحركة الشعبية والطالبي العلمي القيادي فالاحرار.
كولشي حضر، الجماني ابراهيم ديال البام، والبحراوي، هادو اعيان وجابو مقاعد كثيرة، اضافة الى اعضاء الاحرار الغاضبين ف اكدال ويعقوب المنصور، كولشي حضر.
سالا الفيلم، غذا غايدوز التصويت بشكل عادي.