خو بلفقيه لي تضرب بالقرطاس ل"گود": عبد الوهاب تعرض لترهيب نفسي كبير وتهديدات ومخلاوهش واخا استاقل من السياسية ودبا بين الحياة والموت

كشف محمد بلفقيه، أخ عبد الوهاب بلفقيه للي تعرض لضربة بالقرطاس فيوم انتخاب مجلس جهة كلميم وادنون، عن خلفيات الحادثة، موضحا ل"گود" :"كيتعرض لتهديدات وترهيب نفسي وضغط نفسي".
واوضح محمد بلفقيه ل"گود"، وهو متأثر جدا بالحادثة ومقدرش يكمل المحادثة، :"اش بغاو منو، ياك استقال من السياسة، لاش كاع حنا داخلين لهاد الانتخابات".
عبد الوهاب بلفقيه اللي كان فالاتحاد الاشتراكي ومشى للبام تضرب بالقرطاس هاد الصباح. وفق تصريح مقتضب لابو درار المرشح باسم الوردة لرئاسة جهة كلميم واد نون، ل"كود" فان هاد الشي وقع فكلميم.