على سلامتو.. پيلي بعدما حيد الكونصير: أنا واجد نلعب 90 دقيقة و الزيادة

خرج أسطورة كرة القدم البرازيلي پيلي من الإنعاش بعدما دار عملية جراحية ناجحة حيد بيها الكونصير.
صبيطار "ألبرت أينشتاين"، اللي كاين في ساو پاولو، قال أن إن إدسون أرانتيس دو ناسيمنتو، وهي سمية پيلي الكاملة، في حالة إكلينيكية مزيانة، وغادي يكمل العلاج ف الشومبر ديالو.
و پيلي ملي خرج من الإنعاش قال "دابا أنا واجد باش نلعب 90 دقيقة وزيدو حتى الوقت الإضافي".
ولحد الساعة كايبقى پيلي هو اللاعب الوحيد ف التاريخ اللي ربح كاس العالم 3 ديال مرات، ودابا كيعاني من صعوبات في الحركة منذ جراحة استبدال مفصل الورك الفاشلة اللي دار ف 2012.