5 دقايق وسط الحملة. ها كيفاش داز النهار اللول: مهرجان منيب الخطابي كلو زحام.. وها كيفاش خدامين منتخبو الاتحاد الاشتراكي فسيدي عثمان – فيديو

ها كيفاش داز النهار اللول ديال الحملة الانتخابية. كاينين أحزاب اللي عرضات برنامجها الانتخابي، بحال الحزب الاشتراكي الموحد، وكاين احزاب خرى بدات تشتغل ففروعها فمختلف الجماعات والأقاليم.
الحزب الاشتراكي لبارح الخميس دار لقاء كلو زحام، وماكانش منظم كَاع، وحتى الصحافيين فاش بغاو ياخدو التصريحات بداو يتزاحمو ويدافعو بسباب ضعف التنظيم والتنسيق.
"كود" من بعد انتقلات للاتحاد الاشتراكي للقوات الشعبية فرع مولاي رشيد سيدي عثمان فكازا، تماك المنتخبين الجماعيين فمقاطعة أكدو أن الحملة ماغاديش تكون بحال كيف جرات العادة، لكن غيتم الاعتماد فيها على الوسائل الإلكترونية حفاظا على حياة الناس لهذ الأزمة الصحية.
ومن غير هذشي، وفالنهار اللول مازال مابانت مظاهر الحملة الانتخابية على حقها وطريقها، كيف مولفة كتكون.
باقي التفاصيل فالفيديو: