والد البطل الأولمپي سفيان البقالي ل"كَود": بكينا وفرحنا والحمد لله على هاد الرباح

قال عبد الرحمان البقالي، والد العداء سفيان البقالي المتوج بالميدالية الذهبية في سباق 3000 متر موانع، في منافسات ألعاب القوى ضمن دورة الألعاب الأولمبية (طوكيو 2020)، أنه عاش الفرحة قبل وبعد هاد الفوز.
وأضاف والد البطل الأولمپي البقالي، في تصريح ل"كَود"، قائلاً: "اللي كتاب دبا دوزناه. بكينا شويا وفرحنا شويا والحمد لله على كل حال"، رافضا الحديث كثيرا عن الفوز، واكتفى بالقول: "سفيان غادي يجي لفاس نهار السبت الجاي وداك الساعة يقدر يهضر أكثر".
وكان المغرب قد حصل على أول ميدالية ذهبية في دور الألعاب الأولمبية "طوكيو 2020′′، المقامة دبا ف اليابان. هاد الميدالية ربحها سفيان البقالي في سباق 3000 متر موانع البارح الإثنين.
البقالي قطع مسافة 3000 متر في توقيت 8:08.90، وفات الإثيوبي "جيرما لاميشا" اللي جا في المركز الثاني، فيما حل الكيني "كيكَن بينجامين" ف المركز الثالث.