معطيات جديدة بدات كاتبان.. إعلام أوروبي: المغرب ماعندوش لوجيسيال "بيكَاسوس" واللي تجسس على ماكرون هوما المخابرات الفرنسية

قالت صحف إسبانبة، أن المغرب ماعندوش برنامج "بيكَاسوس" اللي كايقولو أنه تجسس بيه على صحافيين وسياسيين مغاربة وأوروبيين، سيما و أن هاد البرنامج كايتباع بمئات الملايين من الدولارات للدول الصديقة فقط، وتحت بند السرية.
وقالت جريدة "أوكي دياريو"، أن ماكرون ماتمش التجسس عليه ب لوجيسيال "بيكَاسوس"، ولكن ببرنامج "دارك ماتر" (Dark Matter) اللي كاتجيريه شركة "Edge Group" ف الإمارات، واللي خدامة بيه المخابرات الفرنسية.
وزادت الجريدة، أن المخابرات الفرنسية فضلات أن المغرب يتحمل مسؤولية الفضيحة، على أنها تتورط هي فهادشي، و أن من بين الهواتف اللي تم التجسس عليهم، تلفون ملك المغرب، وهادي حاجة مايقدر يديرها حتى مغربي كيفما كانت سلطتو.
وكان المحامي الفرنسي أوليڤي باراطولي، اللي كلفو المغرب رسميا فهاد الضوصي ديال التجسس ب"پيگاسوس"٬ قال فأول خروج إعلامي ليه، ف قناة "BFMTV"، باللي قدام "أمنستي" ومنظمة "فوربيدن سطوريز" 10 ايام باش يقدمو ادلتهم على ما نشروه بخصوص تجسس المملكة على صحافيين وسياسيين فالمغرب وفرانسا والجزائر المحامي أكد أن الرباط ما عمرها استعملات هاد اللوجيسيال "پيگاسوس" وما عندها حتى شي علاقة تجارية أو غيرها مع الشركة الإسرائيلية "إن إس أو".
https://okdiario.com/investigacion/macron-no-fue-espiado-pegasus-sino-software-darkmatter-emiratos-arabes-unidos-7560791