كاستيكس على قضية التجسس على تلفون رئيس فرانسا وصحافييها: مازال ما عرفناش وماكرون طالب بتحقيقات واسعة

قال الوزير الاول الفرنسي جون كاستيكس ان بلاده مازال ما عرفتاش طبيعة ما اثير فالصحافة من التجسس على هواتف شخصيات سياسية واعلامية منها رئيس الدولة ايمانويل ماكرون وعدد من الصحافيين. واوضح كاستيكس فحوار مع "تي اف 1" هاد الظهر باللي حكومتو كتابع عن قرب هاد الشي اللي واقع.
كما كشف على ان ماكرون طالب بتحقيقات واسعة.
السيد كان مرزن وما جبدش المغرب ولا غيرو.
جريدة "لوموند" و"فرانس كولتور" كانت نشرات باللي كاين تجسس من طرف الرباط بواسطة "پيگاسوس" =برنامج اسرائيلي= على كبار مسؤولي فرانسا وصحافيين فالمغرب وخارجو.
الحكومة المغربية قررات تقاضي "فوربيدن ستوريز" و"امنستي" وصحف اخرى على نشر ما اعتبرته "ادعاءات" ونفت امتلاكها لهاد البرنامج.