مهرجان "كان": المخرجة جوليا دوكورنو ربحات "السعفة الذهبية" على فيلمها "تيتان" وولات ثاني مرا كتدي هاد الجائزة فتاريخ "كان" وها لائحة اللي ربحو كاملين – فيديوهات وتصاور

المخرجة الفرنسية جوليا دوكورنو فازت بجائزة "La Palme d.Or السعفة الذهبية" فالدورة 74 من مهرجان "كان" السينمائي عن فيلمها الجديد "Titane تيتان".
Julia Ducournau au bord des larmes lors de son discours tant l'émotion est forte. Maintenant, il ne vous reste plus qu'à aller voir cette Palme d'Or au cinéma ????
#Cannes2021 pic.twitter.com/is2JF6Q7oY
— CANAL+ (@canalplus) July 17, 2021
وبهاد الفوز ولات دوكورنو ثاني مخرجة كتحصل على هاد الجائزة المرموقة من بعد جان كامبيون اللي خداتها ف1993 عن فيلم "La leçon de piano درس البيانو".
دوكورنو، وهي أصغر مشارك فالمهرجان عن سن 37 عام، عبرات بالدموع على السعادة ديالها بهاد التتويج اللي منحاتو ليها لجنة التحكيم برئاسة المخرج المريكاني سبايك لي، واخا اعتبرات ان فيلمها ماشي مثالي، لكن فيه مجهود ديال إيكيب دارت كل ما بوسعها لإنجاحو، وشكراتهم واحد بواحد.
وشكرات المخرجة الفرنسية، فاش تسلمات الجائزة ديالها، واليديها اللي عاونوها ووقفو جنبها، ولجنة التحكيم اللي "كدعي للتنوع فالتجارب ديالنا السينمائية وفحايتنا، شكرا للجنة حيت عطات فرصة للوحوش"، كيف قالت، فكناية على الفيلم ديال "الرعب" اللي فازت من خلالو بالجائزة.
وهادي لائحة الفائزين فدورة مهرجان "كان" لعام 2021:
السعفة الذهبية: جوليا دوكورنو عن "تيتان"
الجائزة الكبرى: أصغر فرهادی عن "بطل" مع جوهو كوسمانين عن "Compartiment no 6"
جائزة السيناريو: ريوسوكي هاماكَوشي وتاكاماسا أوي عن "Drive My Car"
جائزة الإعداد المسرحي: لييوس كراكس عن "أنيت"
جائزة التشخيص الذكوري: كيلب لاندري جونز عن "نيترام".
جائزة التشخيص الأنثوي: رينات ريينسيف عن "Julie"
جائزة لجنة التحكيم: ناداف لابيد عن "Le Genou d'Ahed"، مع أبيشاتبونج ويراسيتاكول عن "Memoria".
السعفة الذهبية للشرف: لماركو بيلوتشيو
السعفة الذهبية للفيلم القصير: لفيلم " All the crows in the world" لتانكَ يي.
الكاميرا الذهبية: لفيلم "Murina" لأنتونيتا ألامات كوسييانوفيتش.
https://www.lemonde.fr/culture/article/2021/07/17/festival-de-cannes-2021-avant-le-palmares-le-jury-delibere-et-aucun-favori-ne-se-degage-nettement_6088596_3246.html