المشتكي آدم بعد الحكم على الريسوني ب5 سنين: المحكمة انتصرات للعدالة وأنا تضررت بزاف.. والتعويض غنتبرع بيه لجمعية خيرية

خرج محمد آدم على الصمت ديالو أخيرا، بعد الحكم على الصحافي سليمان الريسوني ب5 سنين ديال الحبس وتعويضو ب10 مليون سنتيم، بتهم هتك عرضو واحتجازو.
وقال آدم، واسمه الحقيقي (ع.آ). فتدوينة ليه على "فيسبوك": المحكمة انتصرت للعدالة والقانون، ومحاولة لي ذراع القضاء بمناورات ومحاولات خبيثة لتسييس الملف ماغاتنفع بوالو حيت لا يصح إلا الصحيح".
وفحديثو على التعويض اللي غيتلقاه، زاد آدم: "التعويض شحال ما كانت قيمتو المادية ماغاديش يجبر الضرر والمعاناة اللي تكبدتها لمدة طويلة، والازمة النفسية اللي عشتها".
وزاد أن مبلغ التعويض غيتبرع بيه كامل لجمعية خيرية.
وماكانش حضر آدم لجلسة أمس، فاش تم الحكم على الريسوني.