بعدما قالت عائلتها انها تختاطفات. قاصر رجعات لدارهوم فالدريوش

قالت مصادر محلية فبلدة ميضار بإقليم الدريوش، أن الجوندارم قدرو نهار الجمعة، يحلو لغز اختفاء طفلة قاصر فعمرها حوالي 14 عام، بعدما قيل أنها تختاطفات من حدا دار أسرتها بجماعة افرني من طرف 3 أشخاص على متن سيارة.
وزادت ذات المصادر، أن الواقعة دارت استنفار امني فدرك اقليم الدريوش، والمراكز التابعة لإقليمي تازة والحسيمة، باش يلقاو الفتاة المختطفة، ولكن التحقيقات لي دارتها عناصر الدرك الملكي، وصلاتهوم لأحد أصدقاء الفتاة، وبمجرد ما ستدعاوه، رجعات البنت لدار عائلتها، لبارح السبت، وعتارفات البنت ان صاحبها ماختاطفهاش ولكنها مشات معاه بمحض ارادتها، حقاش كتبغيه، في حين قال صاحبها انه ماختاطفهاش وأنه دار معاها يتلاقاو وعيط لصاحبو يجي يهزهوم بالسيارة.

بعد الاستماع لصاحب السيد باش يعرفو واش كيقول الحقيقة لقاو أن اروراق سيارتو مزورة، ليتم اعتقاله لحين تقديمه للنيابة العامة.