الصديق وقت الضيق.. جوج صحابات تبرعو بالكلاوي ديالهم باش كل وحدة تعتق راجل الثانية

جوج صحابات خدامات مع بعضياتهم تبرعو بالكلاوي ديالهم باش كل وحدة تعتق حياة راجل الثانية.
سوزان إليس وتيا ويمبوش، خدامات بجوج في الرعاية الصحية للأطفال بولاية جورجيا الأمريكية.
هاد جوج البنات بدات الصحبة ديالهم بطريقة غريبة. كانو تلاقاو في طواليط ديال الخدمة وتما تعارفو وبداو كايدويو على الحاجيات الصحية ديال رجالهم وبالصدفة، من الهضرة اللي ضارت بيناتهم، اكتاشفو أن كل وحدة كان عندها فصيلة دم زوج الثانية.
بعدما تبرعو العيالات بالكلاوي ديالهم، تدارت العملية للرجال، واللي كانت ناجحة في نفس المستشفى، وعاشو مع عيالاتهم كل مشاعر الألم والفرح المختلطة ف نفس الوقت.