التأثير ديال بصح. رونالدو بان ففيديو كحز كوكا وجاب الما.. ساعات من بعد كوكاكولا خسرات 4 مليار دولار! – فيديو

تسبب اللاعب كريستيانو رونالدو، فخسارة ديال 4 مليار دولار لشركة كوكا كولا، بعدما بان فمؤتمر صحافي دارو ولبارح الاثنين، بعد فوز منتخبو البرتغال على هنغاربيا ب3 اهداف لزيرو، وهو الماتش اللي سجل فيه رونالدو 2 بيوتا.
وبان رونالدو ففيديو من الكونفيرونس، انتشر بشكل كبير على مواقع التواصل الاجتماعي، كيكحز جوج قراعي صغار ديال كوكا، وهز بلاصتهم القرعة ديال لما، وشار ليها على أساس ان الما اللي صحي والموناضة لا.
ومباشرة بعد خرجة رونالدو هذي، نزلات أسهم الشركة من 56.10 ل55.22 دولار أمريكي، ونخفضات فبرصة نيويورك ب1,09 فالمية ف14 يونيو، وب0,34 فالمية ف15 يونيو، ونزلات من 242 مليار دولار حتى ل238 مليار دولار.
وكان سبق لنجم نادي يوفنتوس عبر فمناسبات كثيرة على نفورو من الموناضة، وكان قال أن، ولدو بعض المرات كيشرب كوكا أو فانتا وكياكل شيبس، وهو ماعرفني ماكيعجبنيش هذشي".
ولكن قبل، ف2008 بمناسبة كاس العالم للأندية فاليابان، كان شارك فإشهار ياباني للماركة الامريكية، فاش كان مازال كيلعب فمانشستر يونايتد، قبل مايلتحق بريال مدريد.
https://www.liberation.fr/sports/football/cotation-en-bourse-cristiano-ronaldo-prefere-leau-coca-cola-boit-la-tasse-20210616_LTEB7IJWL5G6BLFT7WRCGQHT2A/?outputType=amp