عاشت تجربة بحال لطيفة رأفت.. المانكان ناومي كامبل ولدات والخبر داير حالة ف الأنترنت – تغريدة و تصويرة

المانكان البريطانية كامبل ناومي علنات البارح أنها ولدات بنتها الأولى وهي في سن 50 عام.
الخبار دار البوز في العالم الإفتراضي، لأنها ماشاركاتش خبر حملها بمرة، حتى جات المفاجأة فاش قالت أنها ولدات.
الجدل وصل حتى للمغرب وكاين اللي شبه هاد القصة بالبوز اللي خلقاتو الفنانة لطيفة رأفت ملي ولدات بنتها "ألماس".
وكتبات ناومي في تعليق على تصويرة نشراتها فصفحتها ب "تويتر": "أعجوبة صغيرة ومدهشة اختارتني باش نكون ماماها. هادا شرف كبير. الكلمات مايقدروش يوصفو الرابط القوي اللي كيجمعني بيك أبنتي..".
ولحد الآن ماكشفاتش المانكان على السمية اللي ختارت لبنتها، ولا تاريخ ولادتها.
A beautiful little blessing has chosen me to be her mother, So honoured to have this gentle soul in my life there are no words to describe the lifelong bond that I now share with you my angel. There is no greater love. pic.twitter.com/SYxfeh4yev
— Naomi Campbell (@NaomiCampbell) May 18, 2021