آش واقع؟.. العشرات من المغاربة حاصلين ف مطار دكار ومنعهوم يجيو للمغرب وخا فاتحين الحدود

العشرات من المواطنين المغاربة حاصلين في مطار "ليوبولد سيدار سنكَور" الدولي، بالعاصمة السينكَالية دكار، هادي أيام طويلة.
"كَود" هضرات مع بعض الأشخاص اللي حاصلين تما وماعارفينش شنو السبب اللي كان وراء منعهم من السفر و الرجوع إلى المغرب.
ووفق مصادر "كَود"، فإن هاد المسافرين دارو داكشي اللي طلبو منهم (التحاليل، وجميع الوثائق المطلوبة)، لكن مني مشاو للمطار منعهوم باش يجيو المغرب. بلا حتى شي مبرر.
و تضيف ذات المصادر، أكثر من هادشي، كاينين الناس اللي دفعو البكاج ديالهم باش يسافرو ودبا مشا ليهوم.
الناس تكرفصات تما بزاف. السفارة براسها ماقالت ليهوم والو. كيبقاو الناس مجموعين وينتظرون ساعات وحتى شي حد ماهضر معاهم أو قاليهم شنو هو المشكل اللي كيمنعهم من السفر للمغرب.