الاصابات طلعو والتلقيح نقص.. كورونا قتلات 6 اليوم و740 تصابو وغير 22784 واحد اللي خدا الجرعة اللولة

فالحصيلة اليومية ديال فيروس كورونا المستجد اللي علنات عليها وزارة الصحة اليوم السبت 10 أبريل، فهاد 24 ساعة الأخيرة تقاسو 740 واحد، وماتو 6، وفالمجموع 4782 مازال كيتعالجو، و4 مليون 100 ألف خداو الجرعة الثانية من اللقاح.
التلقيح:
اليوم 22784 خداو الجرعة اللولة من الڤاكسان، و31483 خداو الجرعة الثانية.
ومن نهار بدات حملة التلقيح،4471831 تلقح بالجرعة اللولة و4134740 بالجرعة الثانية.
الإصابات:
تقاسو اليوم 740 واحد من أصل 11627 واحد دار التحليلة، ووصل عدد المصابين فالمجموع ل501688.
ووصل مؤشر الإصابة التراكمي ل1379,5 لكل 100 ألف نسمة، بمعدل 2 لكل 100 ألف نسمة فهذ 24 ساعة.
حالات الشفاء:
تشافاو اليوم 601، ووصل الإجمالي ل488015، بنسبة تعافي ديال 97,3 فالمية.
الوفيات:
اليوم ماتو 6، ووصل عدد الوفيات ل8891، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة طلع ل4782، وعدد الحالات الحرجة وصل ل449 حالة، و40 واحد تدهورات حالتو غير اليوم، والناس اللي تحت التنفس الاصطناعي الاختراقي بلغ عددهم 18، أما نسبة ملء أسرة الإنعاش فبلغات 14,2 فالمية.
أما توزيع الإصابات على الأقاليم والجهات فهو كالتالي: