غيتصور فالصحرا المغربية.. التورناج ديال الجزء الخامس من سلسلة "استيريكس وأوبيليكس" قرب يبدا.. وإيبراهيموڤيتش حتى هو غايمثل فيه

قبل أيام قليلة على بدء التصوير ديالو، كشف Guillaume Canet، مخرج فيلم "Asterix and Obelix: L'empire du Milieu"، على فريق الممثلين اللي غيشاركة فيه، وتبين أنه غدي يشارك ف الجزء الخامس من سلسلة افلام "Asterix and Obelix"، ولأول مرة، اللاعب السويدي Zlatan Ibrahilovitch الى جانب اسماء كبار بحال Marrion Cotillard و Vincent Cassel و Gilles Lelouche.
وغيبدا طاقم الفيلم التصوير من دابا سيمانة، بعدما اضطر يأجلو لمدة عام كامل، بسبب جايحة كورونا، وغيتم تصوير جزء من الفيلم فالمغرب حتى هذ المرة.
وكان من المقرر تصوير بعض لقطات الفيلم فالشينوا اللي فيها أماكن طبيعية مناسبة مع السيناريو، لكن بحكم الظرفية تم التخلي على هذ القرار فآخر لحظة والاكتفاء بالتصوير ففرنسا، وتحديدا وفالقاعدة الجوية السابقة 217 بين Brétigny-sur -Orge و Le Plessis-Pâté ، باش يقادو قرية Gallic اللي كدور فيها احداث هذ الفيلم، بالإضافة للتصوير فالمغرب، بالضبط فالصحراء المغربية.
وشارك فكتابة السيناريو بالإضافة للمخرج والممثل Guillaume Canet، السيناريست Philippe Mechelen وJulien Hervé اللي استمدو القصة من أعمال Uderzo وGoscinny.
https://www.allocine.fr/diaporamas/cinema/diaporama-18698480/?utm_source=feedburner&utm_medium=feed&utm_campaign=Feed%3A+ac%2Factualites+%28AlloCine+-+RSS+News%3A+Cinema+%26+Series%29