الرابور طوطو كعا بعدما منعات أم ولدها يتصور معاه: بقاو تزيرو ولادكم حتى يتطرطقو في وجهكم

الرابور طه فحصي المشهور ب El Grande Toto كعا ديال بصح ملي كان كيدير شوتينكَ وسط كازا وجا دري صغير بغا يتصور معاه لكن الأم ديالو رفضات ومخلاتوش.
طوطو دار ستوريات على حسابو في انستكَرام، وكتب فيها +18 وبقى كيسب ويخاصم ويعاير حيت اعتبر الأم قمعات ولدها ومخلاتوش يدير ما بغا، وأكد ان ولدها لي مسمعش الكلام الخاسر منو غادي يسمعو في قنت آخر.
ووجه الرابور ميساج لكَاع الأمهات باش يخليو ولادهم حرين في اختياراتهم وكل واحد يدير ما بغا ويساندوهم ويدعموهم، لأن حسب طوطو، فاش الولاد كيتزيرو بزاف يقدرو يطرطقو في وجههم.