مريكان محتافلة بأول مغربي جا لعندهم فالقرن 16 – تدوينة

اليوم، كيحتفل المتحف العربي الأمريكي القومي، فديربورن فولاية ميشغان، بمصطفى الزموري أو إستيفانيكو، اللي كيعتبر من أوائل المغاربة اللي جاو لميريكان.
وحسب تدوينة نشرتها سفارة ميريكان فالمغرب على صفحتها ف"فيسبوك"، فالزموري كان عبد سابق، وولا من بعد أول شخص من أصول إفريقية كيكتشف جنوب غرب ميريكان.
وفنفس المنشور، حكات السفارة أنه خلال المشاركة ديال الزموري فرحلة استكشافية فمطلع القرن 16، كان كيتكلم ست لغات وخدم كمترجم شفوي، ومعالج، ومرشد.
https://www.facebook.com/93250564550/posts/10159421465729551/?d=n
واعتبرات السفارة أن قصة الزموري كتعتبر مثال من بين أمثلة أخرى كثيرة كتبين التواجد المغربي فميريكان، خلال فترة تمتد لأزيد من مائتي سنة من الصداقة.