ماكاين غير التعناق.. زكريا الغافولي نسا واش كاينة كورونا وعطاها للتصاور مع الفنانين بلا تباعد وبلا كمامة – تصاور

المغني زكريا الغافولي واقيلة نسا اننا دابا في زمان فيروس كورونا المستجد، وأن احترام تدابير الوقاية ضروري ومهم، خاصة التباعد الاجتماعي ولبس الكمامة باش العدوى متزيدش تنتاشر، وملي دخل لدوزيم باش يصور حفلة راس العام وهو عاطيها غير للتعناق والبوسان.
مول أغنية "حبينو" بغا يبين للناس لي متبعينو أنه مصاحب مع كَاع الفنانين، وجمع ألبوم ديال التصاور وهو معنق الفنانين لي تلاقاهم وحطهم على حسابو في انستكَرام.
ولي كيبان في التصاور هو انه ماكاين لا كمامة لا تباعد لا والو. بحال هاد التصرفات الطائشة هي السبب في انتشار الوباء اكثر للاسف.
https://www.instagram.com/p/CJMDvAjF-wN/