ها بشحال تحكم على مبتز جنسي كان روشيرشي طاح فكازا. سجّل للضحايا فيديوهات إباحية بلا خبارهم

علمت "كَود"، أن الغرفة الجنحية الاستئنافية بالدارالبيضاء حكمات، مؤخرا، على متهم بتسريب فيديوهات جنسية لضحاياه على تطبيق الواتساب من أجل النصب والابتزاز، بالحبس النافذ 8 أشهر مع أداء غرامة مالية.
هاذ المتهم كان روشيرشي بسبب تورطه في جرائم مماثلة، وتشد مؤخرا بعد شكاية تقدمت بها إحدى ضحاياه إلى الشرطة القضائية كشفات فيها تعرضها للابتزاز الجنسي، من طرف أحد معارفها اللي هددها بنشر فيديوهات جنسية.
المشتكية تعاونات مع البوليس اللي نصبو ليه كمين وطارو عليه متلبس بحيازة الفلوس اللي رسلاتها ليه. السيد كان كيستغل التبوكيصة ديالو ويربط علاقات حميمية مع الضحايا ويستغلهم جنسيا ويصورهم بلا خبارهم ويقلبها معاهم ابتزاز بدفع مبالغ مالية، مقابل عدم نشر الفيديوهات الإباحية على الأنترنيت.