كلشي مروّن فبرنامج "ستاند آب".. كيدوزو مشاركين دايرين الكمامة بطريقة غلط والمنشط داير ماسك على فمو ومخلي نيفو يطل و زيد و زيد..

لي غادي يتفرج في برنامج الكوميديا "ستاند اب" لي كيدوز في الأولى غادي يبان ليه الاستهتار وقلة احترام تدابير الوقاية ضد فيروس كورونا.
المنشط ديال البرنماج داير كمامة صغيورة على فمو ومخلي نيفو كيطل و حنا فهاد الظروف فين الجايحة كتحصد عدد كبير من ارواح المغاربة، وسبيطارات عامرين، والناس ماكتلقى فين تمشي.
ومن غير المنشط، البرنامج كيدوز بزاف ديال المشاركين دايرين الكمامة بطريقة خاطئة وغير بحال "ديكور"، والحاجة لي حادكَين فيها لجنة التحكيم (الخياري، لطيفة أحرار، ونورو صقلي) هي: "دير الكمامة".
البرنامج عائلي وكيدوز في قناة عمومية وأقل حاجة ممكن تكون هي الالتزام باجراءات السلامة بالطريقة الصحيحة، وتكون التوعية باش يتعطى مثال زوين للناس اللي كيشوفوه، عوض واحد داير كمامة صغيرة غير ديكور فيها اللوگو ديال البرنامج كبر من الكمامة براسها.