اوطيل لينكون طاح والطرام واقف فكازا

هذ الصباح دالجمعة 18 دجنبر، قررات شركة الطرام تحبس الخط الأول بعدما طاح جزء كبير من فندق لينكون، وقطع الطريق على الطرام فشارع محمد الخامس.
والناس اللي خدامين اليوم لقاو مشكل فالطرونسبور من بعد ما كان الطرام هو سبيلهم الوحيد للوصول للسونتر فيل ولبيرواتهم.
ولبارح فالليل طاح فندق لينكون بشكل مفاجئ، والساكنة دالمنطقة خرجو مخلوعين، لكن هذ الانهيار ماتسبب فحتى خسارة فالأرواح.
فندق لينكون التاريخي معروف من مدة أنه من المباني الآيلة للسقوط، وشحال ساكنة المنطقة تشكاو بسباب هذشي، على اعتبار أنه كيشكل تهديد حقيقي على حياتهم.