سمبريرو ل"كود": قرار ترامب دار ضغط على اوربا وخاصة اسبانيا وفرانسا وبايدن غادي يحافظ على المرسوم الرئاسي بخصوص مغربية الصحراء ولكن ما غاديش يضغط على دول اخرى دير بحالو

البارح خرج الرئيس الامريكي دونالد ترامب مرسوم رئاسي فيه ان واشنطن تعترف بمغربية الصحراء. هاد القرار جا فصفقة فيها ان الرباط طبع مع تل ابيب: فتح مكتب اتصال فالاول ثم سفارات من بعد ورحلات جوية بين الدولتين. واش هاد الشي غادي يؤثر على الاوربيين.
بالنسبة للصحافي الاسباني الخبير فالشؤون المغربي اگناسيو سمبريرو فان "قرار ترامب دار ضغط على اوربا٬ وخاصة الدول القريبة من المغرب: فرانسا واسبانيا"
سمبريرو اكد ل"كود" ان هاد الدول الاوربية ما غادياش حتى الاعتراف بمغربية الصحراء كيف دارت امريكا" وانها "غادية تحس براسها تسولاجات مع وصول جو بايدن للبيت الابيض". بايدن غادي يبدا خدمتو رسميا رئيس لامريكا نهار 21 يناير 2021
وتوقع سمبريرو فتصريحو ل"كود" باش بايدن يخلي هاد المرسوم الرئاسي وما يغيروش غير هو٬ يضيف الصحافي٬ "ما غاديش يفرض ضغط على دول اخرى تقتدي بالقرار الاميركي"