إضراب الراضي و الريسوني على الماكلة.. مسؤول من إدارة عكاشة ل"گود": حتى واحد ما عْلمنا بالموضوع وإمكانية التنسيق بيناتهم مستحيلة

استغرب مصدر مطلع من إدارة سجن عكاشة فكازا الأخبار اللي رايجة بخصوص دخول الصحافيان المعتقلان سليمان الريسوني وعمر الراضي فإضراب عن الطعام لمدة 24 ساعة، حيت قال ان هذ الجوج "ما تقدمو لإدارة المؤسسة بحتى إشعار شفوي أو كتابي فالموضوع.
وزاد المصدر نفسو ل"كود" أنه ماكاينة حتى إمكانية للتنسيق بين السجناء بجوج فقلب الحبس، باش يديرو بلاغ، حيت متابعان فجوج ملفات منفصل وكاينين فغرف متباعدة، وخبر التنسيق بيناتهم "مزاعم لا أساس لها من الصحة.
وتم تداول بلاغ منسوب لسليمان الريسوني وعمر الراضي على نطاق واسع، فيه أن الصحافيان غيدخلو فإضراب عن الطعام ابتداء من العشية ديال نهار الأربعاء 9 دجنبر حتى لصباح نهار الخميس 10 دجنبر.