ترامب ما مفاكش: ما خسرتش وبايدن ربح بالتزوير

دونالد ترامب ما مفاكش. حالف لا اعتارف بخسارتو فنتائج الانتخابات الرئيسية الامريكية امام الديموقراطي جو بايدن. رجع لتويتر باش يحتج على هاد الفوز.
فقد كتب ترامب ان بايدن ربح بسباب التزوير اللي وقع فالانتخابات. فهادي فيها نوع من الاعتراف بالهزيمة٬ ولكن غير شوية الوقت ورجع كتب باللي ما غاديش يعتارف بالهزيمة وباللي وقع تزوير "ربح (بايدن) لأن الانتخابات مزوّرة. ما خلاوش المراقبين يديرو خدمتو، فرز الأصوات دارتو خاصة كيديرها اليسار الراديكالي".
وهاجم ترامب الاعلام وقال بللي مضلل٬ فيما اكد مساعدو ترامب إنه يستعد لولاية رئاسية ثانية
وكان مستشار الامن القوي السابق دجون بولطون اكد باللي ترامب ما عمرو يبغي يقبل بالهزيمة "موحالش يمشي على خاطرو"