فضيحة مسافري "لارام" بغاو يدخلو المغرب بلا تيست "بي سي ار"

علمت "كود" ان كثر من 50 مسافر مع الخطوط الملكية المغربية ما طلعوش الطيارة. وفق مصادر "كود" هادو ما كانش عندهم "تيست بي سي ار". وفق مصدر "كود" هادوك كلهم جابو تيست "انتي جين" كيدار بالزربة وثمنو 30 اورو بينما السلطات المغربية فبيانها واضحة. المطلوب هو "بي سي ار" وحيدو التيست سيرولوجي.
وفق مصدر "كود" فالخطوط الملكية المغربية كطبق القانون "ما كنقبلوش الا "بي سي ار" حقاش هادا اللي طالباه السلطات.
وفق مصدر "كود" كاينين شي وحدين فولاية العيون بغاو يخرقو هاد القانون وبغاو يضغطو على "لارام" باش تخلي هادو اللي ما جابوش "بي سي ار" يطلعو. كاينين شي وحدين هددو لارام باللي برلمانيين باش يخليوهم يطلعو. الفوضى صافي.
فاللخر ما طلع الا اللي عندو التيست اللي كطالب بيه السلطات المغربية. لفضيحة هي كيفاش ممثلي السلطات العمومية فولاية العيون واخا غير استفسار. ماشي من حقو