السلطات دخلو على غفلة للريسطورات فطاماريس.. ومسؤول فجدارمية ل"كود": ماسجلنا حتى مخالفة وكلشي كان مزيان

السلطات المحلية والجدارمية والقايد غفلو ليكومبليكس طوريستيك والريسطورات فساحل دار بوعزة (طاماريس)، لبارح الجمعة فالليل، باش يشوفو واش محترمين الإجراءات الاحترازية لمنع انتشار فيروس كورونا المستجد ولا لا.
كثر من 20 فرد من السلطات دارو جولة على مجموعة من الريسطورات والبيران ولابيسينات فالمنطقة، منهم "لا إيسلا بونيطا" و"سان بيتش"، و"بابالو بيتش"، وغيرهم.
وحسب مسؤول فالجدارمية ل"كود"، فهذ البلايص مامخالفاش الإجراءات الوقائية للحد من انتشار الوباء، وكلشي كان مزيان، وماتسجلات حتى مخالفة.