واحد فيهم اعترف.. بوليس باريس شدو باكستاني وجزائري متورطين فهجوم بالجناوا قدام مقر "شارلي إيبدو" القديم

بوليس باريس شدو، اليوم الجمعة فالعشية، جوج متورطين فالهجوم المسلح أمام المقر القديم ديال مجلة "شارلي إيبدو".
وحسب مصدر من البوليس، فكيتعلق الأمر بباكستاني فعمرو 18 لعام اعترف بالمنسوب ليه، وواحد آخر جزائري فعمرو 32 عام مازال التحقيق معاه مستمر باش يعرفو علاقتو بالهجوم.
وهذا اللي فالتصاور هو الموقوف الباكستاني اللي شدوه متلبس وهاز معاه جنوي.
وتقاصو فهذ الحادث 4 ديال الأشخاص، جوج منهم فحالة خطيرة.
وهذ الحادث خلى الناس تتخلع، والسلطات تسد ليكريش والمدارس وحتى الإقامات ديال الناس لكبار فالمقاطعة 11 فين وقع هذشي، كيف البوليس طوقو المقر القديم ديال المجلة، اللي كانت عرفات أحداث إرهابية دامية ف7 يناير 2015، ماتو فيها 12 لواحد.