رئيس المجلس الإقليمي للسياحة بورزازات قتلاتو كورونا

فيروس كورونا قتل، لبارح الجمعة فالليل، رحو بلغازي، رئيس المجلس الإقليمي للسياحة بورزازات.
وكان بلغازي كيتلقى العلاج فقسم "كوفيد 19" فسبيطار ابن سينا فالرباط، حتى تدهورات الحالة الصحية ديالو ودخل للإنعاش، وماكملش فيه بزاف حتى مات.
صحاب بلغازي وعائلتو وزملاؤو فالضومين مالقاو عليه صبر فمواقع التواصل الاجتماعي، ونشرو تصاورو وشاركو عبارات كينعيوه فيها، وقالو أن القطاع السياحي فورزازات فقد واحد من الأعمدة ديالو.
ولبارح علنات وزارة الصحة على وفاة 42 واحد بكورونا المستجد، وهي أعلى حصيلة يومية كيسجلها المغرب دالوفياة بهذ الفيروس من نهار باء الوباء لحد الآن، وهكذا وصل مجموع الوفيات ل817، بنسبة فتك ديال 1,7 فالمية.