عاجل.. إغلاق أحياء فالحي المحمدي بعدما تسجلات بؤر عائلية فيها اكثر من 40 مصاب ب"كورونا" -تصاور

علمت "كود" من مصادر محلية، أن السلطات المحلية التابعة لعمالة مقاطعات عين السبع الحي المحمدي، أقدمت مساء اليوم الثلاثاء، على إغلاق أحياء تقع فوق نفوذها الترابي بسبب تفشي فيروس "كورونا" بها.
وحسب ما كشفت عنه مصادر "كود"، فإن الأمر يتعلق ببؤرة عائلية سجلت ب"مشروع الحسن الثاني الجديد" الحي المحمدي بداخل عمارتين سكنتيتين، مشيرة إلى أن هذه البؤرة تقاست فيها عائلة كان عداها نسيبها جا يبارك ليهم العيد لكبير. هادو فعمارة بمجموعة العنب. عمارة اخرى تقاصت. يتعلق الامر بعمارة فمجموعة "التين" حتى هي تسجلات فيها حالات.
دابا كاين تضارب فعدد الاصابات. شي كيهدر على اكثر من 70 ولكن مصدر ل"كود" قال باللي العائلة كلها تصابت مع افراد عائلة اخرى عددهم شي 40.
وحسب مصادر ل"كود" فان اللي تسد دابا هو مشروع الحسن الثاني الجديد من دار لمان حتى سوق السلام واعدادية بنعبدون… هادو عطاهم العشرة باش كاع المحلات والمقاهي تسد. وراه عشرة الليل بزاف باش يقضيو على كورونا