غير باش ما تقلقوش يا لمغاربة على قرار الصحة والداخلية راه وزراء ما عرفو بيه حتى تنشر فالصحافة

علمت "كود" ان قرار وزارتي الداخلية والصحة اللي منعو فيها التنقل ليلة الاحد من والى "طنجة، تطوان، فاس، مكناس، الدار البيضاء، برشيد، سطات ومراكش" ما صدمش غير عموم لمغاربة٬ وفق مصدر ل"كود" فان اعضاء فالحكومة ماكانش فخبارهم هاد القرار حتى قراوه فالصحافة.
دابا هاد القرار غادي يدخل للتاريخ ماشي فقط على الفوضى اللي سببها باش كاع للي كان باغي يسافر شد الطريق ديك الليلة٬ بل حتى على تدبيرو داخل الحكومة.
كيفاش وزرا ما تخبروش. اش هاد الحكومة. دابا خاصنا غير نتأكدو واش بنعرفة كان فخبارو ولا حتى تخاد القرار ودارو معاه الصواب وخرج البيان. اللي اكيد ان واحد بحالو يستحيل يقرر قرارات بحال هادي.