عاجل. المغرب مسموح ليه يدخل لدول الاتحاد الاوربي من بعد غدا لاربعا ودابا وقتاش نفتحو حدودنا

قرر الاتحاد الاوربي اعتماد لائحة تضم 15 دولة يمكن ليها تدخل لدول فضاء شينگن من بعد غدا الاربعا واحد يوليوز 2020 بلا ما يديرو لاكارنطان
بعد 3 اشهر من اغلاق الحدود حتى داخل دول الاتحاد قرر هاد الاخير لائحة من دول فيها المغرب تدخل بلا ما دوز 14 يوم فالحجر، هاد اللائحة ما فيهاش امريكا وكوبا وروسيا والبرازيل
الائحة الاولى كانت فيها فعير 14 دولة وتزادت عليهم الصين
الدول 27 ديال الاتحاد حددات هاد اللائحة فهاد الدول: المغرب وتونس والجزائر والصين واستراليا وكندا واليابان ومونتي نيكرو ونيوزلندا ورواندا وصربيا وكوريا الجنوبية والتايلاند والاوروگواي وجورجيا
دابا بقى غير المغرب يقول لينا وقتاش هاد الحدود ديالو البحرية والجوية تفتح. شي كيقول نهار 10 يوليوز وشي كيقول قبل